d'fotene
Wiederemal bin i mer ned sicher gsi ob i go flüge söt oder ned, aber s'Emagramm isch recht asprechend gsi obwohl es ned würkli en guete gradient azeigt hät. Doch han i mer gseit d'hauptsach wäri das i id d'luft chume
So han i mi überreded zum gah u han zum glück no es plätzli i de gondle becho. Au hüt hets no es paar lüüt kah. Obwohl vor mier eine abgsoffe isch han i denkt gang i mal use u mer hät schnell gmerkt das es en chrampf wird. Daher han i au ned de huufe ziit gfunge zum fötele ;)
I bi grad mit em Marco use. er isch echli Tüüfer an oschtgrat u hät somit richtig zkämpfe kah... i hans grad so knapp id d'ablösig inegaschaffed u han mi langsam richtig Basis kämpfe chöne. E paar minute spöter hät den de Marco au no en aschluss gfunge u isch bedütend besser gstige... somit han i voll gas geh u welle bi im istiige u voila nüüt meh isch ume gsi...
Nachdem i mi bi mindere Thermik uf Basishöhi über em Startplatz kämpft han isch de marco scho richtig chrüz unterwegs gsi u i bi au no los. leider hät mer dete nüüt gschiits gfunge u so bin i langsam a de krete entlang u han dänn überemene gheuete stück wiese no en mini schluch gfunge... de hät mi dänn sowit bracht das i uf d'süüdoschtsiite vom chrüz han chöne quere. doch leider isch es em marco ned glunge u er isch scho unterwegs gsi richtig schiers.
nachdem i s'chrüüz überhöht han isch mer no de erschti schirm entgägegfloge. doch isch mer's jetzt scho echli unsymphatisch worde, da d'wulchene sich scho recht uftüürmed händ. somit han i mi entschiede no ei querig zmache u nomal höhi tanke.
Doch han i mi bis uf die hindersiite vo de madrisa triebe lah müesse bis i mi wieder ufechrampfe han chöne.
Bi de querig wieder zrug zum chrüz han i dasmal echli meh höhi mitgnoh als s'letscht mal. doch isch es wieder recht knäbbe worde u i hans grad no zwüschedem sattel duregaschaffed. doch leider häts s'chrüz so vo nüüt zoge das is nur no im gleitflug bis nach schiers gschaffed han.
trotz allem eifach en schöne flug gsi mit wieder echli airtime bi tricki bedingige
Keine Kommentare:
Kommentar veröffentlichen